zurück zu: „Brauchtum“ oder „Fasching- und Scheibenbriefe“
1948 – Der Wettlauf zwischen dem Fuchs und dem Igl oder: Meister Josef´s Staffellauf!
Autor: Alois Rastl vlg. Jogl Lois. Veröffentlicht mit Erlaubnis von: Hermann Rastl.
Es wor amol a kloane Maus, do daußt nebns Fischasteg,
de hot se e dan großn Haus, dos rechts da Stroßn steht,
recht wohnli eingricht en an Raum, mit viele Forigtegln.
Und schlau wias is, so siacht mas kaum, ban Tog wo umasegln.
Krod ba da Nocht is umspaziert, um si wos z’fressn z’nehma,
hot si dabei en Lokal geirrt und is es Vorhaus kemma.
Wias netta wieda gonga war, wirds aufamol toghell,
erscheint da Moasta Angera und dos Unglück schreitet schnell.
Sie blinzelt eahm on und er sie und olle zwoa worn blend,
oft famt er aus und tritt glei hin, dos orme Mäuserl rennt.
Und wals grod ba da Stiagn wor und nema ausmögn hot,
Hupfts aufs erst Staffl, dos is klor und nettholt nit z’spot.
Hiatzt hot da Moasta voller Zorn, en Fuaßobstrafa glupft,
de Maus ist erst besorigt worn, aufs nächste Staffl g’hupft.
Und wieda haut er hin und fahlt und wieda hupft die Maus.
Und d’ Moastarin walls so krawallt, monat Rauba san en Haus.
So hupft das Tier und schlächt holt er von ona Staffl auf das ona
Und onkemma sands obn nochher, so ziemli mitanona.
Mitn Schwanzl winkts no o und auf, gonz obn auf da Treppn
Und g’wunga hots en Staffllauf, gegna Molamoasta Seppn.
zurück zu: „Brauchtum“ oder „Fasching- und Scheibenbriefe“